As chaves da internacionalización

Os avances nas comunicacións, TICs e o escenario de continua desregularización a nivel mundial teñen favorecido o incremento das interactuacións comerciais. Os mercados van máis aló dos límites das propias fronteiras e ás empresas preséntanselle oportunidades de medrar e estar presentes noutros territorios.

Aínda así, a expansión no exterior non se debe facer dun xeito desordenado e caótico. Non é un deixarse ir. Internacionalizarse supón un incremento de riscos, de custos e de incertezas, dado que actuaremos en mercados distintos aos nosos que presentan diferenzas culturais, no desenvolvemento das canles de distribución, no xeito de facer negocios, etc.

byGalicia faiche unha recomendación: traza un plano. A elaboración dunha planificación estratéxica internacional supón moitas cousas en común coa doméstica. Agora ben, hai elementos que teremos que ter en conta que á hora de elaborar un plano estratéxico doméstico para a nosa empresa non adquiren tanta relevancia. Repásaos connosco:

1. O plano estratéxico: O primeiro de todo é que non te deixes ir. A internacionalización require dun esforzo económico importante e, polo tanto, cantas menos cousas deixes no aire mellor. Investiga o mercado para o coñecer en profundidade e despois traza un plano estratéxico. Márcate uns obxectivos, faille un seguimento e avalía o seu cumprimento. Deste xeito poderás identificar os riscos cos que te vas atopar e ter pensados os mecanismos cos que mingualos.
2. A forma de entrada: Quizais unha das decisións máis importantes á que nos temos que enfrontar na saída ao exterior é decidir o xeito no que vamos a chegar a un mercado. É dicir, a forma de entrada. Esta elección vai depender de múltiples factores, que van desde a natureza dos nosos bens ou servizos até as características do propio mercado e a lexislación existente. Investiga a fondo o mercado, analiza como está implantada a competencia e toma decisións.
3. Estratexias de financiamento: Outro piar fundamental da estratexia de internacionalización é todo o referente ao financiamento. Podemos trazar un plano de márketing moi efectivo e elixir ao mellor distribuidor nun país dado... mais como o vamos financiar? O primeiro paso na elaboración dunha estratexia de financiamento é a análise interna: ver con que recursos contamos e despois decidir os pasos a dar.
4. Dirixir na distancia: E finalmente, unha vez implantados noutros mercados, teremos que ver como nos vamos reorganizar. Consecuencia da internacionalización será o medre da nosa organización, que dalgún xeito haberá que estruturar. Por outra banda, cómpre establecer ao mesmo tempo mecanismos de control e interrelación entre a matriz e as filiais, así como un perfecto coñecemento e avaliación do plano estratéxico.

• Desenvolvemento dun plano estratéxico
• Formas de acceso a mercados internacionais
• Dirixir na distancia
• Estratexias financeiras no exterior