As chaves da internacionalización

A adopción de Internet como ferramenta deu un xiro espectacular ao comercio internacional nos últimos anos. A utilización das denominadas tecnoloxías da información e comunicación (TICs), resultado da integración das telecomunicacións e da informática, converteuse nunha peza indispensable para calquera empresa que queira estar presente nos mercados internacionais.

Tradicionalmente, o feche dunha operación normal de comercio internacional requiría o uso de teléfono, fax, papel, catálogos, viaxes, esperas, etc. Na actualidade a utilización de Internet permítenos aforrar tempo, diñeiro e operar nun mercado único a nivel mundial aberto as 24 horas.

As principais utilidades que nos aporta internet como ferramenta de internacionalización son:

• procura de información
• promoción
• canle de exportación
• procura de provedores
• canle de compras

Con todo, o uso de Internet na promoción internacional esixe dos coñecementos adecuados tanto en internacionalización como en novas tecnoloxías para que os usuarios atopen a información que necesitan de forma rápida e eficaz. En byGalicia considermos que hai dúas ferramentas fundamentais. Bótalle un ollo:

Van ser ao mesmo tempo tarxeta de visita e porta de entrada da nosa empresa para o mundo. A web debe ofrecer unha visión completa da empresa aos nosos potenciais clientes, pero ademais debe ser punto de contacto e pode converterse en canle de venda. Para que poida cumprir estas funcións é necesario que o seu deseño e estrutura estean orientados cara á internacionalización. Ensinámosche como.

Internet pode ser tamén a canle a través da cal se poden comprar e vender os nosos produtos a outras empresas ou directamente aos consumidores, co consecuente aforro de custos de promoción, intermediarios e distribución. A creación dunha canle de e-business é unha tarefa complexa que require dun gran esforzo tecnolóxico e de mercadotecnia, pero que unha vez implantado pode producir grandes beneficios cun mínimo custo económico e operativo. Na sección e-business atoparás máis información.

Ademais da páxina web, Internet pon a disposición das empresas de comercio exterior outras ferramentas de difusión que convén coñecer. Repásaas con byGalicia:

• Inclusión en directorios on-line: A nosa empresa pode de forma gratuíta ou previo pago rexistrarse en directorios on-line que abarcan moi diferentes actividades. Estes directorios permiten normalmente consultar as empresas por actividades e localización xeográfica, pero ademais brindan servizos paralelos como foros. Dentro dos directorios on-line teñen especial importancia os catálogos de exportadores. Ademais tamén existen directorios de servizos auxiliares como www.freightnet.com ou www.forwarders.com

• Correo electrónico: Outra forma de promoción é o envío de correos electrónicos a clientes actuais ou potenciais con información comercial. As direccións de correo electrónico pódense obter da base de datos de clientes ou a través de listas de distribución que permiten o envío de información comercial. É moi importante ter en conta que a Lei de Servizos da Sociedade da Información prohibe expresamente o envío de comunicacións publicitarias ou promocionais por correo electrónico ou outro medio de comunicación electrónica equivalente que previamente non fosen solicitadas ou expresamente autorizadas.

• Participación en foros: Os foros son espazos onde os membros poden intercambiar ideas, polo que son unha ferramenta apropiada para o establecemento de contactos comerciais e o intercambio de información e experiencias. Visita os foros de byGalicia e aproveita ao máximo as súas posibildades

• As webs corporativas
• E-business