Automoción

• AUTOMOCIÓN
  O sector do automóbil representa en Galicia arredor do 18% do PIB industrial e en torno ao 35% das súas exportacións.
  A importancia deste sector propiciou que en 1997 se constituíse o Clúster de Empresas de Automoción de Galicia (CEAGA). O número de empresas asociadas ao clúster é actualmente de 76, dando emprego a máis de 14.700 persoas cunha facturación estimada de 2.645 millóns de euros no 2006.

Naval

• NAVAL
  O sector naval xera en Galicia 3.500 postos de traballo directos nos estaleiros e 6.500 empregos indirectos nas industrias auxiliares do sector.
  A industria naval galega está a incidir na mellora tecnolóxica e na construción de buques máis sofisticados e complexos.

Madeira, mobiliario e papel

• MADEIRA, MOBILIARIO E PAPEL
  Galicia é unha das máis importantes potencias forestais de Europa xa que conta cunha superficie total arborada de máis de 1.400.000 hectáreas, o que representa o 48% de todo o territorio.
  As actividades que conforman a Cadea da Madeira constitúen un dos principais sectores da economía galega, con arredor de 18.000 postos de traballo directos.

Audiovisual

• AUDIOVISUAL
  Como actividade industrial, o sector audiovisual é un sector altamente complexo.
  En Galicia conta con 150 empresas e proporciona traballo a máis de 3.000 persoas, xerando un volume de negocio anual superior aos 200 millóns de euros.

Artes gráficas e edicións

• ARTES GRÁFICAS E EDICIÓNS
  O sector das artes gráficas e edicións en Galicia atópase na actualidade en pleno auxe, cun crecemento nos 6 últimos anos dun 46%.
  Agrupa a unhas 2.000 empresas que empregan a arredor de 7.000 persoas. En canto á facturación, esta é de máis de 900 millóns de euros.

Téxtil e moda

• TÉXTIL E MODA
  O sector téxtil-confección en Galicia (Industria Téxtil e Industria da Confección e Peletería) conta con máis de 1.800 empresas e máis de 18.500 empregos directos afiliados en alta laboral que proporcionan en torno a un 10% do PIB industrial de Galicia.
  O sector téxtil-confección é ademais o segundo sector que contribúe en maior medida ao dinamismo da balanza de pagos do comercio exterior en Galicia, con case o 14% das exportacións contabilizadas no noso país.

Produtos do mar

• PRODUTOS DO MAR
  O sector pesqueiro –que engloba todas as actividades relacionadas coa pesca extractiva, o marisqueo e a acuicultura- continúa sendo un dos primeiros axentes da economía galega.
  Pola súa parte a industria conserveira en Galicia conta con 67 empresas que facturan máis de 967 millóns de euros e xeran 12.050 postos de traballo. É un sector posicionado internacionalmente que contan con marcas e distribución consolidadas.

Metalurxia e traballo do metal

• METALURXIA E TRABALLO DO METAL
  A industria do metal en Galicia está integrada por un amplo número de actividades que operan con tecnoloxía de vangarda ademais de ser unha industria consolidada internacionalmente.
  En datos económicos, o sector conta con arredor de 25.000 postos de traballo.

Cantería e manufacturas de pedra

• CANTERÍA E MANUFACTURA DE PEDRA
  O sector da pedra e lousa en Galicia conta cunha estrutura produtiva que cubre toda a cadea de valor: extracción, elaboración, comercialización e colocación. O granito e a lousa son as rochas ornamentais por excelencia en Galicia xa que, xeográficamente o granito predomina na zona occidental e a lousa na oriental.

TIC e electrónica

• TIC E ELECTRÓNICA
  O sector TIC en Galicia pertence a ese grupo de industrias cun gran potencial de desenvolvemento na nosa comunidade debido ao gran incremento de mercado que vai producirse nos vindeiros anos. Actualmente o volume de negocio deste sector en Galicia ocupa o 5º lugar por orde de importancia a nivel nacional.