O sector de transformados do caucho e do látex está dividido en dous segmentos de actividade claramente diferenciados.

• un segmento adicado á fabricación de neumáticos e cámaras para todo tipo de vehículos, e que conta cunha dimensión empresarial de predominio sobre o conxunto do sector.
• outro segmento comprende un conglomerado de produtos de variada natureza: artigos de caucho moldeados, extruídos e calandrados, así como produtos derivados do látex que, en conxunto, teñen o seu destino en multitude de sectores como son a automoción, o calzado, a construción, os electrodomésticos e a industria en xeral.

No referente ao sector dos plásticos podemos destacar que nos últimos trinta anos este é un sector relevante asociado aos derivados do petróleo e que presenta unha diversidade de produtos que permite fornecer ao resto dos sectores da economía galega.

Estes sectores contan en Galicia cunhas 250 empresas que se concentran sobre todo na provincia de Pontevedra, cunha forte vinculación ao sector da automoción.