A cadea de actividades químico-farmacéuticas representa máis do 5% do VAB das manufacturas de Galicia, o que supón 790 millóns de €, pola súa parte a produción rolda os 3.000 millóns de euros. Trátase dun sector moi intensivo en capital e en tecnoloxía.

A presenza en Galicia da industria química cínxese basicamente a procesos de petroquímica e alúmina sendo en menor medida en produtos de química orgánica para consumo do fogar e a industria (pinturas). Na actualidade un novo segmento que está a mostrar un importante dinamismo en canto a novos proxectos é o de fabricación de biocombustibles. Este novo segmento require investimentos intensivos en capital, tecnoloxía e man de obra moi especializada.

En canto á industria farmacéutica, en Galicia esta actividade caracterízase polos fortes investimentos en I+D convertíndose nunha das comunidades do Estado cun maior esforzo en gasto extramuros con aproximadamente 10 millóns de € do que se derivan importantes fluxos económicos entre o sector privado e o público, cunha transferencia de coñecementos nos dous sentidos. Todo esto comeza a repercutir no volume das exportacións do sector farmacéutico, cuatriplicando as exportacións dende o ano 2000 e con incrementos nos últimos dous anos de arredor do 40% anual, dirixidas principalmente a Estados Unidos, Portugal e Reino Unido.